Schnitzelbank Anonyme Fasnächtler Sarmenstorf

Auch dieses Jahr war die AFS (Anonyme Fasnächtler Sarmenstorf) am Montagabend in den Beizen unterwegs. Nachfolgend einige Ausschnitte aus ihren Versen.

De Huggel zieht es ganz schlächts Los, / nüt isch mit em FC Basel im Büelmoos. / För d Reis is Tessin gids kei Geld vom Huggel, / er macht nur fuuli Sprüch und de Buggel.

Bi Grabenstorf isch alles debi, / öppis muess doch z finde si. / Grabe, grabe – noch es paar Stunde, / händs e bruni Unterhose gfunde.

Im Berset flügid z Frankrich Düsejets um d Ohre, / er hed d Orientierig verlore. / D Schwizer hettid selle schneller schalte, / und im Macron funke – sie chönnd en b’halte.
Ich fühle lesbisch – seit en Maa, / d Glatze vom Infantino het zvell Sunne gha. / Blatter, Infantino – wäg dene Näme / muesch dech als Schwizer nur no schäme.

Fitnesstraining för Sarmistorf, / d Sammelstell wit weg vom Dorf. / Bi eus tued mer schalte und walte, / ohni Rücksicht uf di Alte.

Euse Gmeindrot spart bim Pfuus, / er macht d Wiehnachtsbelüchtig us. / Dank dem bitzeli Strömlispare, / cha de Mäni meh Tesla fahre.

Bim Biden findt mer Gheimakte a allne Ecke,/ das tuet eus gar ned verschrecke. / Sache verlege und vergesse, – dass isch doch nüt, / das isch normal bi alte Lüüt.

Isch das Fasnacht oder e Schnapsidee, / usgloset esch, – wo mer weli Fahne cha gseh. / Mer sind zum Luege durs Dorf gloffe, / Denner-Fahne vor em Volg, do meinsch sigsch bsoffe.

Zwöimal esch er knapp denäbe, / mit dem hed er müesse läbe. / Erfolg fallt eim halt ned i Schoss, / Bravo, de chli Döbeli esch jetzt au Eidgenoss.

D Joho-Brüedere müend no warte, / bis si für en eidgenössische Kranz chönd starte. / Das bruucht no vell Ovomaltine, / no schiebits lieber Bier und Bratwürscht ine.

Tina Turner tued uf de Bühni wi en Sau, / de Thörner macht da’s a de Fasnacht au. / Als Richter send ehm Näbe-Innahme verwehrt, / drum wird er nur mit goldige Söiblootere g’ehrt.

Neben der AFS waren auch d’Schnodersieche unterwegs. --red